Аввал хабар берганимиздек, Фанлар академияси Навоий бўлими раиси Абдуразак Мирзаев бошчилигидаги бир гуруҳ олимлар 2026 йилнинг 3-июлидан 10-июлигача амалий ташриф билан Хитойда бўлди. 7-июл куни делегация тиббиёт ва қишлоқ хўжалиги соҳасида ишланмалар олиб борувчи бир қатор технологик компанияларга ташриф буюрди.
Дастурнинг биринчи банди «Фарсоон Течнологиэс» компанияси бўлди. 2009-йилда доктор Сзюй Сяошу томонидан асос солинган ушбу корхона саноат адидитив ишлаб чиқариш ечимлари бўйича жаҳоннинг етакчи етказиб берувчиларидан бири ҳисобланади. Компания металл ва полимер кукунларини лазер ёрдамида эритиш технологияларига (ЛПБФ) ихтисослашган. Фарсоон Течнологиэс тиббиёт, робототехника ва бошқа соҳаларда талаб юқори бўлган ҳар қандай мураккабликдаги деталларни чоп этиш учун юқори технологияли 3Д-принтерлар ишлаб чиқаради. Томонлар ушбу технологияларни Ўзбекистонда жорий этиш истиқболларини муҳокама қилдилар.
Шунингдек, ташриф давомида олимлар «Ҳунан Ҳуаруи Течнологй Гроуп Co., Лтд» ва «Ҳунан Фаршине Medical Течнологй Co., Лтд» компанияларида бўлдилар. Навоий делегацияси биоматериаллар, тиббиётда 3Д-чоп этиш технологиялари соҳасидаги тадқиқотлар ҳамда уларни амалиётда қўллаш натижалари билан танишди. Компанияларнинг ишланмалари умуртқа поғонаси ва бўғимлар жарроҳлиги, травматология, спорт тиббиёти, кардиология, қон томир жарроҳлиги, стоматология ҳамда юз-жағ жарроҳлиги каби муҳим йўналишларни қамраб олади.
Хитойлик мутахассислар Фанлар академияси Навоий бўлими кўмагида Ўзбекистондаги тегишли соҳа ҳамкасблари билан яқин ҳамкорликни йўлга қўйишга тайёр эканликларини билдирдилар.
Бундан ташқари, худди шу куни илмий ходимлар Юэян шаҳри атрофидаги фермер хўжаликларида бўлиб, у ерда турли сабзавотлар, қўзиқоринлар ва доривор ўсимликларни етиштиришнинг илғор усулларини ўргандилар.
Маҳаллий автоматлаштирилган иссиқхоналарда сунъий интеллект фаол қўлланилмоқда. Тизим мустақил равишда оптимал микроиқлимни сақлайди, сув етказиб беришни назорат қилади, ёруғлик ва озуқа моддалари даражасини тартибга солади. Бунда энергия ва ресурсларни тежашга алоҳида эътибор қаратилмоқда.
Учрашув якунида навоийлик олимлар Навоий бўлимининг Нурота туманидаги тажриба ер майдонларида анъанавий Хитой қишлоқ хўжалиги экинларини Ўзбекистон иқлим шароитига мослаштириш бўйича ҳамкорликда тадқиқотлар ўтказишни таклиф қилдилар.
ФА Навоий бўлими матбуот хизмати.