2022 йилнинг 18 августида “Навоий” эркин иқтисодий зонасида Санкт-Петербург давлат университети ваколатхонасининг расмий очилиш маросими бўлиб ўтди.
Тадбирда “Навоий” ЭИЗ дирексияси ходимлари, Навоий давлат кончилик ва технологиялар университети, Навоий давлат педагогика институти, Бухоро давлат университети раҳбарияти ва ўқитувчилари, бошқа манфаатдор ташкилот ва корхоналар вакиллари иштирок этди. Ўзбекистон Республикаси Фанлар академияси Навоий бўлимидан катта илмий ходим Февзи Истаблаев иштирок этди.
Маросимда рамзий қизил лента кесилди. Сўнгра Санкт-Петербург университети ректорининг халқаро алоқалар бўйича ўринбосари Сергей Андрюшин университет фаолияти ҳақида ма'лумот бериб ўтди. Хусусан, у Санкт-Петербург давлат университети Европа ва жаҳондаги энг йирик илмий-та'лим марказларидан бири эканлигини айтди. Бугунги кунда бу ерда 20 мингдан ортиқ талаба таҳсил олмоқда, уларнинг тўртдан бир қисми хорижий, жумладан, Ўзбекистон Республикаси фуқароларидир. Ушбу кўрсаткич бўйича университет мамлакатда етакчи ўринни эгаллайди. Университетда Нобел ва Фиэлдс мукофотлари лауреатлари ишлайди, Россия Федерациясининг етакчи илмий парки таркибига кирувчи 15 дан ортиқ йирик лабораториялар ва 23 та ресурс марказлари ташкил этилган. Университет бой тарихга эга ва ҳақли равишда Россиядаги биринчи университет ҳисобланиши мумкин.
Жорий йилда Тошкентда Санкт-Петербург давлат университетининг филиали очилиб, “Постсовет ҳудудида халқаро муносабатлар” икки даражали магистратура йўналиши бўйича талабаларнинг биринчи қабули бўлиб ўтди. Ҳозир эса Навоий шаҳрида ваколатхона фаолиятини бошлади. Бу ерда абитуриэнтлардан ҳужжатларни қабул қилишлари мумкин бўлади. Бундан ташқари, ваколатхона ишлаб чиқариш корхоналарининг муаммоли масалаларини ҳал қилишга ва Россия университетининг илғор ишланмаларини минтақага жорий этишга ҳисса қўшади.
Норасмий мулоқот чоғида Ўзбекистон Республикаси Фанлар академияси Навоий бўлими ва Санкт-Петербург давлат университети ўртасида ҳамкорликни йўлга қўйиш бўйича келишувга эришилди. Биринчи қадам сифатида ҳамкорлик меморандумини имзолаш кутилмоқда.
Тадбир сўнгида иштирокчилар учун “Навоий” ЭИЗ тизимидаги корхоналарга экскурсия ташкил этилди.
ФА Навоий бўлими матбуот хизмати.