Жорий йилнинг май ойи охирида Фанлар академияси Навоий бўлими Норуда ва техноген фойдали қазилмалар бўлими мудири Бахтиёр Сабиров Белоруссиянинг олий та'лим муассасаларига ташриф буюриб, уларнинг лабораторияларида мавжуд имкониятлари билан танишди.
Хусусан, Белоруссия миллий техника университети раҳбарияти Ўзбекистонлик меҳмонга доимо ҳамкорликка тайёр эканлигини, жумладан, турли соҳаларда илмий-тадқиқот ишларини олиб бориш ва муҳандислик ва илмий кадрларни тайёрлаш бўйича ҳамкорлик қилишга тайёр эканлигини ма'лум қилди.
Илмий доираларда таниқли бўлган олим, Белоруссия давлат технология университети Шиша ва керамика технологиялари кафедраси мудири Юрий Павлюкевич Б.Сабировни университет фаолияти, синов лабораторияси ва у ердаги жиҳозлар билан таништирди. Улар Ўзбекистон Фанлар академияси Умумий ва ноорганик кимё институти лабораторияси мудири З.Қодирова билан биргаликда базалтдан тола олиш технологиясини такомиллаштиришга қаратилган илмий-тадқиқот ишларини олиб бориш ва грант олиш учун талабнома беришга келишиб олдилар.
Навоий бўлимида базалт ва таркиби сир бўлган қўшимчалардан ташкил топган ўта энгил материаллар ишлаб чиқариш бўйича тадқиқотлар олиб борилмоқда. Биринчисини арматура ясаш, иккинчисини эса сементга қўшиш мумкин. Энгил конструксияни шахталарда қулашларни олдини олиш мақсадида тепа қисмларни ёпиш учун жуда фойдали бўлади. Бундан ташқари, базалт ёнмайди ва намликка чидамли, я'ни бу коррозияга мойил бўлган металл арматураларга нисбатан яна бир афзалликдир.
Мазкур ҳамкорлик тадқиқот жараёнида юзага келадиган муаммоларни тезкорлик билан ҳал қилишга ёрдам беради.
Юқорида қайд етилган Белоруссия университетлари билан ҳамкорлик тўғрисидаги меморандумлар имзоланди.
Навоий бўлими матбуот хизмати.