Ўзбекистон Республикаси Фанлар академияси Навоий бўлими олимлари Навоий давлат педагогика институти профессор-ўқитувчилари билан биргаликда “Қишлоқ хўжалигининг биологик асослари” номли ўқув қўлланма тайёрлаб, чоп этдилар. Китобнинг муаллифлари – Ў.Т.Хакимов, Ш.И.Кодирова, А.Ж.Кушаков ҳамда Б.Э.Жумабоевлар.
Ушбу ўқув қўлланма Педагогика олийгоҳларининг «5110400 - Биология» та'лим йўналишларида ўқийдиган талабалар учун Олий ва ўрта махсус та'лим вазирлиги томонидан 2020 йилнинг 4 августида тасдиқланган “Қишлоқ хўжалигининг биологик асослари” фани дастури асосида тайёрланган. Ўқув қўлланма “Тупроқшунослик”, “Деҳқончилик”, ”Сабзавотчилик”, ”Ўсимликшунослик” деб номланган тўртта бўлимни ўз ичига олган.
Бугунги кунда аҳолининг қишлоқ хўжалиги маҳсулотларига бўлган талабининг ортиб бориши, озиқ-овқат хавфсизлигини та'минлаш долзарб масалага айланган. Сўнгги йилларда фан-техника тараққиёти натижасида қишлоқ хўжалигининг янги, замонавий техникалар, интенсив типдаги навлар, дурагайлар, биологик фаол моддалар, турли йўналишдаги илғор технологиялар асосида фаолият кўрсатиш учун тайёрланаётган мутахассисларнинг чуқур, серқирра, малакали билимга эга бўлиши талаб қилинади.
Шуни инобатга олган ҳолда, та'кидлаш жоиз-ки, мазкур ўқув қўлланма бўлғуси биология ва қишлоқ хўжалиги йўналишидаги касб эгалари, магистрантлар ва ишлаб чиқариш мутахассислари учун муҳим ўқув адабиёти бўлиб хизмат қилади.
ФА Навоий бўлими матбуот хизмати.