Яқинда Ўзбекистон Республикаси Фанлар Академияси Навоий бўлимида Бўлим раиси Абдуразак Мирзаев, ёш олимлар ва Беларус Республикаси “Бмтунинг "Политехник" илмий-технологик парки" Дкнинг етакчи илмий ходими Константин Барановский ўртасида музокаралар бўлиб ўтди.
Музокаралар чоғида ташкилотларда олиб борилаётган илмий-тадқиқот ишлари ҳақида ма'лумот алмашилди. Шунингдек, К.Барановский айтишича Бмтунинг "Политехник" илмий-технологик парки – бу Беларус университетларининг биринчи ва энг йирик технопарки бўлиб, янги инновасион корхоналар ва саноатларни яратиш ва қўллаб-қувватлаш мақсадида ташкил этилган. Унинг мижозлари замонавий инфратузилма, муҳандислик, бутун дунё бўйлаб ҳамкор тармоғига кириш имкониятларига эга бўлиб, бизнес учун комплекс хизматлар олиши мумкин. Хусусан, айни пайтда бу ерда тиббиётнинг турли йўналишлари ҳамда материалшуносликбўйича ишлар олиб борилмоқда.
Учрашув иштирокчилари нома'дан фойдали қазилмаларни қазиб олиш ва улардан қурилиш материаллари ишлаб чиқаришда манфаатлар кесишуви нуқталарини топдилар. Ташкилотлар ўртасидаги ҳамкорлик ҳар икки томон учун фойдали ва манфаатли бўлади, деган хулосага келдилар.
Бу борадаги дастлабки қадам Навоий бўлими ва “Бмтунинг "Политехник" илмий-технологик парки" ДК ўртасида имзоланган ҳамкорлик тўғрисидаги меморандум бўлди. Та'кидлаш жоиз-ки, бу Беларус тадқиқот муассасалари билан имзоланган бунга ўхшаш биринчи ҳужжат эмас. Бўлимда Беларус давлат технологик университети билан ҳам меморандум мавжуд.
Февзи ИСТАБЛАЕВ,
ФА Навоий бўлими матбуот котиби.