Фанлар академияси Навоий бўлимида Халқаро хотин-қизлар куни муносабати билан тантанали тадбир бўлиб ўтди. Эркаклар ўзининг азиз ҳамкасбларини самимий табриклаб, уларнинг меҳнати, меҳрибонлиги ва илиқ муносабати учун чуқур миннатдорлик изҳор этдилар.
Бўлим раиси Абдуразак Мирзаев аёлларга самимий тилаклар билан мурожаат қилиб, улар оила ва жамиятнинг таянчи, илҳом ва куч манбаи эканини та'кидлади. Хотин-қизларга соғлик, оилавий фаровонлик, бахт ва муваффақият, илмий ва касбий фаолиятларида зафар тилаб, бу йил 8 Мартнинг ўзгача аҳамият касб этишини қайд этди, чунки бу йилги байрам муборак Рамазон ойи – ма'навий янгиланиш ва эзгулик фаслига тўғри келди.
Раис ўринбосари Қувондик Нурбоев, илмий котиби Джахангир Гулямов ҳамда барча илмий ва техник ходимлар ҳам байрам табрикларига қўшилиб, аёлларга тинчлик, тотувлик, шодлик ва барча ишларида муваффақият тиладилар. Ҳурмат ва миннатдорлик белгиси сифатида хотин-қизларга кичик совғалар топширилди, байрамона муҳит эса самимий тилаклар ва табассумлар билан бойиди.
Ўзбекистонда Халқаро хотин-қизлар куни аёлларга нисбатан ҳурмат, уларнинг заковати, меҳнацеварлиги ва меҳрибонлиги рамзига айланган. Бу кунда жамият тараққиёти ва оила фаровонлигига қўшган улкан ҳиссалари учун хотин-қизларга миннатдорлик билдириш, шунингдек, уларнинг илм-фан, та'лим ва ижтимоий ҳаётдаги ўрнини ёдга олиш алоҳида аҳамият касб этади.
ФА Навоий бўлими матбуот хизмати.
